കോസ് കുവൈറ്റ് ചാപ്റ്ററിന്റെ നേത്യത്വത്തിലുള്ള ഓണാഘോഷം മലയാളത്തിന്റെ പ്രമുഖ സാംസ്ക്കാരിക രാഷ് ട്രീയ നായകന്മാരുടെ സാന്നിധ്യത്തിൽ പ്രസിഡന്റ് ശ്രീ. ജോസ് മാത്യു ഒട്ടലിൽ-ന്റെ അധ്യക്ഷതയിൽ ഒക്ടോബർ 8 ന് സമ്മേളിക്കുകയുണ്ടായി. ശ്രീ. സോജി വർഗ്ഗീസ് പി.കെ.വി.വില്ല സന്നിഹതരായ ഏവർക്കും .സ്വാഗതം ആശംസിച്ചു.
കലുഷിതമായ ഈ ഉത്തരാധുനിക യുഗത്തിൽ നമ്മുടെ ഓരോ ആഘോഷങ്ങളും മാനുഷിക നന്മക്ക് ഉതകുന്നതായി തീരണമെന്ന് ആശംസാപ്രഭാഷണത്തിലൂടെ കോസ് ഗ്ലോബൽ പ്രസിഡന്റ് ശ്രീ. ചന്ദ്രശേഖരകുറുപ്പ് ചെറുകുളത്തൂർ ഉത്ബോധിപ്പിച്ചു.
സെക്രട്ടറി ശ്രീ. മാത്യു വർഗ്ഗീസ് കലതിവിളയിൽ പ്രവർത്തന റിപ്പോർട്ട് അവതരിപ്പിക്കുകയുണ്ടായി. ശ്രീ. ചാക്കോ ജോർജ്ജ്കുട്ടി കോട്ടൂർ, ശ്രീ. ബാബുകുട്ടി .കെ. മാത്യു പോക്കാട്ടുവടക്കേതിൽ , ശ്രീ. ജിബു.ജെ.മാത്യു കോട്ടൂർ, എന്നിവർ ആശംസ അർപ്പിച്ചുകൊണ്ട് സംസാരിച്ചു.
കുവൈറ്റ് ചാപ്റ്ററിന്റെ മുഖപത്രമായ മനസ് മാസികയുടെ തിരുവോണ പതിപ്പ് കുവൈറ്റ് ചാപ്റ്റ്ർ രക്ഷാധികാരി ശ്രീ. ചാക്കോ ജോർജ്ജ്കുട്ടി കോട്ടൂർ-ന് നൽകി കൊണ്ട് പ്രകാശനം ചെയ്യുകയും, മാസികയുടെ അവലോകനം മാനേജിംഗ് എഡിറ്റർ ശ്രീ. ദീപ്ജോൺ കൊല്ലംപറമ്പിൽ അവതരിപ്പിക്കുകയുമുണ്ടായി. ,സന്നിഹതരായ ഏവർക്കും ഓണസദ്ദ്യ ക്രമീകരിക്കുകയും ചെയ്തിരുന്നു. ശ്രീ. ദീപ്ജോൺ കൊല്ലംപറമ്പിൽ ഏവർക്കും ക്യതഞ്ജത രേഖപ്പെടുത്തുകയും ചെയ്തു.